बैजनाथ : बाँकेमा आजदेखि मतगणनाको कार्य सुरू भएको छ। बाँकेका तीन मध्ये निर्वाचन क्षेत्र नं ३ मा प्रतिनिधि सभातर्फ बैजनाथ गाउँपालिका वडा नं २ बाट मतगणना केहीबेर अघिबाट सुरू भएको हाे । बाँकी दुईमा सर्वदलीय बैठक बसिरहेको छ।
 
बैठकले मतगणनाका लागि आन्तरिक संहिता बनाएपछि मतगणना सुरू हुनेछ।
 
बाँकेको निर्वाचन क्षेत्र नं १ को मतगणना राप्ती सोनारीमा मतगणना सुरू गर्ने तयारी भइरहेको छ।
 
क्षेत्र नं २ को भेरी प्राविधिक शिक्षालयमा मतगणना हुनेछ। क्षेत्र नं ३ को मतगणना कपास विकास समिति खजुरामा सुरू भइसकेको छ।
 
निर्वाचन कार्यालयका अनुसार बाँकेमा करिब ६५ प्रतिशत मतदान भएको प्रारम्भिक अनुमान छ। जिल्लाभरि कूल ७९ हजार ८०९ मतदान छन्।