बाँसगढी उद्योग बाणिज्य संघको निर्वाचनमा दुबै प्यानलको ब्यापक प्रचार प्रसार, बद्रि बराल नेतृत्वको प्यानल जित नजिक
![](http://www.nagarikmat.com/wp-content/uploads/2023/03/New-Bansgadhi-1024x724.jpg)
बाँसगढी उद्योग बाणिज्य संघको निर्वाचनको मिति नजिकिंदै गर्दा दुबै प्यानलले प्रचार प्रसारलाई तिब्र बनाएका छन् । आज नमुना मतपत्र सहित दुबै प्यानलका उम्मेदवारहरुलाई ब्यापारी, व्यवसायीका घरदैलोमा पुग्न हम्मेहम्मे परिरहेको छ ।
नरबहादुर वली नेतृत्वको लोकतान्त्रिक समावेशी प्यानलले ९ बुँदे प्रतिबद्धताका साथ चुनावी मैदानमा छ भने बद्रि बराल नेतृत्वको लोकतान्त्रिक समावेशी स्वतन्त्र व्यवसायीक प्यानल ‘‘हाम्रो संकल्प ः मर्यादित व्यवसाय, सम्मानित व्यवसायी, स्थानीय बजार, स्थानिय व्यवसायी हाम्रो प्राथमिकता” भन्ने नाराका साथ १५ बुंदे संकल्प पत्र सहित चुनाबि मैदानमा जोडतोडका साथ लागि रहेको छ ।
![](http://www.nagarikmat.com/wp-content/uploads/2023/03/335624071_226372423126221_3114167785954791692_n.jpg)
अहिले बाँसगढी उद्योग वाणिज्य संघको चुनावलाई राजनीतिक दलहरुले समेत उच्च महत्वका साथ हेरिरहेका छन् । नर बहादुर वली नेतृत्वको प्यानलमा एमाले र माओवादी पार्टीको समर्थन रहेको छ भने बद्रि बद्रि बराल नेतृत्वको प्यानलमा नेपाली कांग्रेस, एकिकृत समाजवादी र नागरिक उन्मुक्ती पार्टी लगायत स्वतन्त्र ब्यक्तिहरुको समर्थन रहेको छ ।
रोचक पक्ष त के छ भने अहिलेका दुबै प्यानलका अध्यक्षहरु बाँसगढी उद्योग वाणिज्य संघको गत निर्वाचनमा बरिष्ठ उपाध्यक्ष पदमा चुनावी प्रतिस्पर्धामा थिए । त्यतिबेला बद्रि बरालले भारी मतका साथ नरबहादुर वलीलाई पराजित गराएका थिए । अहिलेपनि चुनाव नजिकिंदै गर्दा बद्रि बराल नेतृत्वको प्यानल जितको नजिक रहेको स्थानीय व्यापारीहरुले बताएका छन् ।
चैत्र ४ गते हुने बाँसगढी उद्योग वाणिज्य संघको चुनावमा दुवै पक्षले आफ्नो जित सुनिश्चित भएको बताए पनि एक सर्वेक्षणले बद्रि बराल नेतृत्वको प्यानलका पक्षमा माहोल बढिरहेको देखाएको छ ।
![](http://www.nagarikmat.com/wp-content/uploads/2023/03/Baral-New-1024x512.jpg)
लामोसमयदेखि उद्योग वाणिज्य संघमा रहेर काम गरिरहेको, ब्यापारीका सानाठुला समस्यामा साथ र सहयोग गर्ने बानी भएको, सबैसँग मिल्न सक्ने सरल एवम् अनुशासित ब्यवहार, बाँसगढीका पुराना रैथाने ब्यापारी भएकाले यहाँको बस्तुगत समस्य र समाधान गर्नसक्ने खुबी भएका कारण पनि बद्रि बरालको जित लगभग सुनिश्चित जस्तै भएको स्थानीय व्यापारीहरुले बताएका छन् ।
तपाईंको प्रतिक्रिया